Allergiutredning hos hudspesialist, voksne

Go galggat allergiijačielggadeapmái de fertet buktit listu gos čužžot makkár fásta dálkasiid don borat. Čielggademiid ektui soaitá dárbu ja maiddái áigeguovdil ovdagihtii ráhkkanit ruovttus. Dán birra oaččut dieđuid gohččuma oktavuođas. Soaittát fertet bisánit váldimis allergiijatableahtaid dahje ástmádálkasiid. Galggat váldit du dálkasiid nugo dábálaččat jos it oaččo eará dieđuid.

Ovdal konsultašuvnna soaitá fertet dus iskosa dahje iskosiid váldit buohccedivššára dahje bioinšenevrra luhtte. Sáhttet leat iskosat nugo: čuokkis iskkus (allergiijaiskkus), divvuniskkus/epikutaniskkus (allergiijaiskkus), spirometriija /geahpesiskkus (iskat mo geahppát doibmet), geahppáidbohciidahttin ja allergiija bohciidahttin.  

Doavttir ságastallá duinna ja iská du váttuid vuođul, ja árvvoštallá bohtosiid iskosiin maid leat čađahan.

Čielggadeami loahppaboađus mearrida mo geaidnu viidáseappot galgá. Soaitá dárbu dárkkistusdiibmui jos ferte viidáseappot čielggadit ja dikšuprográmma sáhttá álggahuvvot. Sáhtát maid oažžut čuovvuleami viidáseappot du fásta doaktáris dahje sáhttá maid ahte ii leat allergiija mii lea sivvan givssidemiide.