28 nye legestillingar fordelt i vest

Helse Vest søkjer årleg Helse- og omsorgsdepartementet om å opprette nye legestillingar. For 2004 fekk regionen 22 legestillingar til fordeling. I år er altså talet auka med seks.

På landsbasis er det fordelt 54 overlegestillingar og 74 assistentlegestillingar. Helse Vest og Helse Midt-Noreg får flest nye stillingar av dei regionale helseføretaka. For Helse Vest er grunngjevnaden for dette at det er ei lav spesialistdekning i regionen i forhold til folketalet.

Det er òg oppretta ein landsdekkjande kvote på ti overlegestillingar retta mot fagområda rus, habilitering og rehabilitering. Helse Vest søkjer her om å få tildelt fem stillingar, to til Helse Bergen (fysikalsk medisin, rehabilitering og rusrelatert indremedisin), to til Helse Stavanger (rusrelatert indremedisin og rusrelatert psykiatri) og ein til Helse Fonna (nevrologi, rehabilitering/habilitering).

Tabellen viser fordelinga av dei nye legestillingane på helseføretak og private institusjonar.